BAKI, 27 mart — Sputnik. Rusiyanın ən böyük pivə istehsalçıları pərakəndə satışçılara qarşıdakı qiymət artımı ilə bağlı xəbərdarlıq edərək, aprelin 1-dən satış qiymətlərinin 8-15% artacağını bildiriblər.
Bu barədə Rusiya mediası xəbər verib.
Məlumata görə, bütün aparıcı alıcılar üçün alış qiymətləri artacaq. Pivə istehsalçıları son altı ayda ikinci dəfədir ki, qiymətləri qaldırırlar.
Pivə istehsal edən şirkətlər özləri qiymət artımını inflyasiya ilə izah edirlər. Şüşə qablaşdırma 8%, alüminium qablaşdırma isə 22% bahalaşıb. Logistika da əhəmiyyətli dərəcədə bahalaşıb (+40%). Bundan əlavə, 2024-cü ildən başlayaraq Rusiya Federasiyasında pivəyə aksiz vergisi də artıb (bir litr üçün 25 rubldan 26 rubla qədər).
"Satış qiymətlərindəki bu artımla bağlı şirkət yüksələn xərcləri yalnız qismən kompensasiya edəcək", – "Baltika" şirkəti qeyd edib.