BAKI, 26 mart — Sputnik. Fransız əfsanəsinə görə, bu gün tez-tez fast-food kafesi adlandırılan "bistro" anlayışı rus əsgərlərinin sayəsində meydana çıxıb: Parisdə olarkən onlar fransız ofisiantları rusca "bıstro (sürətli ol)" sözündən istifadə edərək çağırırdılar.
Bu barədə "Borodino panoraması" muzeyinin direktoru Vladimir Presnov "RİA Novosti"yə müsahibəsində danışıb.
"Həqiqətən də, tarixi əfsanəyə görə, Paris müəssisələrində xidmət və yeməklərin hazırlanması yerli müəssisələrlə müqayisədə rus hərbçilərinə çox ləng görünürdü. Buna görə də onlar heyəti "tez ol(bıstro)" və ya "daha da tez ol (bıstree)" sözləri ilə çağırırdılar" - ekspert bildirib.
Xatırladaq ki, Rusiya ordusunun 1813-1814-cü illərdə 14 ay davam edən hərbi kampaniyasının bir hissəsi olaraq rusiyalı əsgərlər 1814-cü ilin martında zəfərlə Parisi ələ keçiriblər. 2024-cü ildə Fransa paytaxtının ələ keçirilməsindən 110 il ötür.
Bundan əvvəl, keçən ilin martında fransız siyasətçisi, Beynəlxalq Rusofillər Hərəkatının vitse-prezidenti Fabris Sorlin 1812-ci il Vətən Müharibəsi Muzeyində Rusiya silahlarının Napoleon üzərində qələbəsinin ildönümünə həsr olunmuş konfrans zamanı Fransa hökumətinin hərəkətlərinə görə rusiyalılardan üzr istəyib. 200 il əvvəlki hadisələri hazırkı geosiyasi vəziyyətlə, yəni Ukraynadakı münaqişə ilə müqayisə edən fəal hər iki halda rusiyalıların əleyhinə getmək qərarının fransız xalqının iradəsinə zidd olduğuna diqqət çəkib.