BAKI, 23 mart - Sputnik. Moskva meri Sergey Sobyanin paytaxtda bütün kütləvi tədbirlərin ləğv edildiyini bildirib.
Rusiya Federal Təhlükəsizlik Xidməti cümə günü axşam saatlarında Moskva vilayətinin şimal-qərb sərhədində, Krasnoqorsk şəhərində, Crocus City Hall binasında musiqi qrupunun konsertindən əvvəl atışma və yanğının baş verdiyini bildirib.
İdarə ölən və yaralananların olduğunu bildirib. FSB-nin məlumatına görə, xüsusi hüquq-mühafizə orqanları bütün lazımi tədbirləri görür.
"Mən bu həftə sonu Moskvada keçiriləcək bütün idman, mədəni və digər ictimai tədbirləri ləğv etmək qərarına gəldim. Sizdən bu tədbirə anlayışla yanaşmanızı xahiş edirəm", - o, teleqram kanalında yazıb.
Bundan sonra Federasiyanın bir çox subyektlərində mədəni-kütləvi tədbirlərin təxirə salınması barədə qərar qəbul olunub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.