BAKI, 15 mart — Sputnik. Kreml Fransa prezidenti Emmanuel Makronun Rusiyanı düşmən adlandıran bəyanatları ilə tanış olub və hesab edir ki, Paris Makronun bu bəyanatlarına əsasən, Ukraynadakı münaqişədə iştirak dərəcəsini artırmaqdan çəkinmir.
Bunu Rusiya dövlət başçısının mətbuat katibi Dmitri Peskov bildirib.
"Bəli, əlbəttə ki, biz cənab Makronun bu açıqlamaları ilə tanış olduq. Rusiyanın ransa üçün düşmən olması faktı, göz qabağındadır.Ona görə ki, Fransa artıq Ukraynada müharibəyə cəlb olunub. Dolayısı ilə onlar bu müharibədə iştirak etsə də, Makronun bəyanatlarından anlamaq olur ki, o, iştirak dərəcəsini artırmaqdan çəkinmir" - Peskov jurnalistlərə bildirib.
Rusiya prezidentinin mətbuat katibi Dmitri Peskov
© Sputnik / Гавриил Григоров / POOL
/ Bundan əvvəl Fransa prezidenti Emmanuel Makron bildirmişdi ki, Aİ Ukraynanı orta və uzaq mənzilli raketlərlə təchiz edən dərin zərbələr üçün doqquzuncu koalisiya yaratmağa razılaşıb. O, həmçinin bildirib ki, Fransa Rusiyanın bu müharibədə qalib gəlməsinin qarşısını almaq üçün hər şeyi edəcək. Onun sözlərinə görə, Qərb ölkələrinin liderləri Ukraynaya qoşun yeritmək imkanını müzakirə ediblər, lakin hələlik konsensus əldə olunmayıb, lakin heç nəyi istisna etmək olmaz. Martın əvvəlində müxalifət liderləri ilə görüş zamanı Makron Fransanın Ukraynaya yardım məsələsində heç bir sərhədinin və qırmızı xətlərinin olmadığını bildirib.
Onun sözləri NATO-nun bir sıra tərəfdaşları, o cümlədən Almaniya, eləcə də Fransadakı siyasi qüvvələr tərəfindən kəskin tənqid edilib.
Bütün siyasi partiyaların liderləri Makronu Parisi münaqişəyə sürükləməkdə, qeyri-ciddilikdə günahlandırıb, həmçinin onu bu məsələlərdə parlamentlə məsləhətləşmədiyinə görə qınayıblar. Makron Ukrayna ilə bu yaxınlarda bağlanmış təhlükəsizlik sazişi ilə bağlı parlamentdə keçiriləcək səsvermədən əvvəl müxalifətlə danışıqlar aparmağa qərar verib.
Makronun açıqlamalarından qısa müddət sonra Almaniya kansleri Olaf Şolts və müdafiə naziri Boris Pistorius Almaniyanın Ukraynaya qoşun göndərməyəcəyini, Şolts isə NATO ölkələrinin bütövlükdə bunu etməyəcəyini vurğulayıb. Bundan əlavə, kansler bir daha bəyan edib ki, Ukraynaya uzaqmənzilli "Taurus" qanadlı raketləri göndərmək planları yoxdur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.