Aİİ-də işsizlərin sayı xeyli azalıb - 13.03.2024, Sputnik Azərbaycan

BAKI, 13 mart — Sputnik. Avrasiya İqtisadi İttifaqı (Aİİ) ölkələrində qeydiyyatda olan işsizlərin sayı il ərzində 11,1% azalıb. Bu barədə Avrasiya İqtisadi Komissiyasının (AİK) mətbuat xidməti xəbər verir.

"Avrasiya İqtisadi İttifaqı dövlətlərinin məşğulluq xidmətlərində qeydiyyatda olan işsizlərin sayı 2024-cü ilin yanvar ayının sonuna görə 2023-cü ilin müvafiq dövrü ilə müqayisədə 11,1% azalaraq 786,1 min nəfər təşkil edib. Beləliklə, işsizlərin sayı işçi qüvvəsinin 0,8%-ni təşkil edir. 2023-cü ildə bu rəqəm 1% təşkil edib" - AİK-nin məlumatında bildirilir.

AİK Statistika Departamentinin məlumatına görə, Qazaxıstanda işsizlərin sayı işçi qüvvəsi ilə nisbətdə 2,8%, Qırğızıstanda 2,4%, Rusiyada 0,5%, Belarusda 0,1%, Ermənistanda isə 3,3% təşkil edir.

Rusiya Federasiyasında gənclər arasında işsizlik səviyyəsi demək olar ki, üçdə bir azalıb.

Son üç ildə 15-29 yaş arası olan Rusiya gəncləri arasında işsizlik səviyyəsi demək olar ki, üçdə bir qədər azalıb. Rusiyanın əmək və əhalinin sosial müdafiəsi naziri Anton Kotyakov bu yaxınlarda bildirib ki, 2020-ci ildə bu rəqəm 10,7%, 2023-cü ilin üçüncü rübünün nəticələrinə görə isə 7% təşkil edib.

O qeyd edib ki, gənclərin işsiz olması həm praktik təcrübənin çatışmazlığı, həm də bu yaşda olan işaxtaranların əhəmiyyətli hissəsinin hələ də təhsillərini davam etdirmələri ilə əlaqədardır.

Kotyakov vurğulayıb ki, Məşğulluq Mərkəzləri gənclərin işlə təmin olunması üçün ayrıca proqramlar yaradır.

"Xüsusilə, proqramlardan biri orta ixtisas və ya ali təhsil müəssisəsini bitirdikdən sonra 6 ay ərzində özünə uyğun iş tapa bilməyən uşaqlara yardım etmək məqsədi daşıyır. Bu proqram çərçivəsində Məşğulluq Mərkəzi özünü işəgötürənə təqdim etmək üçün proqram hazırlamaq baxımından bir gəncin CV hazırlanmasında kömək edir və hazırkı rejimdə onun peşəkar bacarıqlarını təhlil edir" - Rusiyanın əmək və əhalinin sosial müdafiəsi naziri qeyd edib.

Digər maraqlı xəbərləri həmçinin Sputnik Azərbaycan-ın Teleqram kanalından izləyin.