BAKI, 8 mart — Sputnik. Avropa İttifaqının yeni müdafiə strategiyası Avropa Komissiyasının prezidenti Ursula fon der Lyayenə Aİ-nin ümumi ordusuna rəhbərlik etməyə kömək edəcək.
Bu sözləri Fransa Vətənpərvərlər Partiyasının lideri Florian Filippo X* (keçmiş Twitter) sosial şəbəkəsində deyib.
Onun sözlərinə görə, bu yolla Avropa Komissiyası belə bir qərarı dəstəkləməyən ölkələrin adından hərbi texnika alacaq. Filippo əmindir ki, fon der Lyayen, çətin ki, bu və ya digər təşəbbüsü qəbul edərkən konkret dövlətlərin, xüsusən də vətəndaşların fikirlərini nəzərə alsın.
Siyasətçi əlavə edib ki, AK rəhbəri yeganə şəxsdir ki, onun maraqlarına və ambisiyalarına bu müdafiə strategiyası xidmət edir.
"Ursula artıq özünü Avropanın kraliçası, hazırda isə Silahlı Qüvvələrin Ali Baş Komandanı hesab edir!" - Filippo fikrini bildirib.
Xatırladaq ki, müdafiə-sənaye strategiyası bu həftənin əvvəlində açıqlanıb. Bu, Avropa Komissiyasının tarixində ilk olub.
Bundan əvvəl Fon der Lyayenin ikinci dəfə Avropa Komissiyasının rəhbəri olmaq niyyətində olduğu bildirilirdi. O, "düşünülmüş və şüurlu" qərar verdiyini söyləyib.