BAKI, 6 mart — Sputnik. Moskva xaricdə Rusiya prezident seçkilərində diplomatik missiyalarda səsverməni pozmaq cəhdlərinin artdığını qeydə alır, Rusiya vətəndaşlarına psixoloji təzyiq cəhdləri edilir. TASS xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Ümumdünya Gənclər Festivalı çərçivəsində keçirdiyi brifinqdə deyib.
"Rusiyanın xaricdəki diplomatik missiyalarında seçki məntəqələrinin təhlükəsizliyinin gücləndirilməsi üzrə işlər davam etdirilir. Biz səsverməni pozmaq üçün artan çağırışları qeydə alırıq. Rusiyalılara psixoloji təzyiq göstərmək cəhdləri edilir" - Rusiya XİN sözçüsü bildirib.
Onun sözlərinə görə, Rusiyanın daxili işlərinə qarışmaq üçün edilən bütün cəhdlər uğursuzluğa məhkumdur və bunun Qərb üçün nəticələri olacaq.
Qeyd edək ki, Rusiya Federasiya Şurası prezident seçkilərini 2024-cü il martın 17-nə təyin edib. Səsvermə üç gün davam edəcək: 15, 16 və 17 mart.
Rusiya Federasiyası Mərkəzi Seçki Komissiyası tərəfindən qeydə alınmış 4 namizəd - Leonid Slutski, Nikolay Xaritonov, Vladislav Davankov və Vladimir Putin dövlət başçısı vəzifəsi üçün mübarizə aparır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.