BAKI, 6 mart — Sputnik. Avropa Şurası Parlament Assambleyasının (AŞPA) fəaliyyəti siyasiləşir, ikili standartlar və təkəbbürlə səciyyələnir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova Ümumdünya Gənclər Festivalı çərçivəsində keçirilən brifinqdə assambleyanın Azərbaycan nümayəndə heyətinin səlahiyyətlərinin ratifikasiya olunmaması barədə qərarını şərh edərkən deyib.
"Bizim mövqeyimiz ondan ibarətdir ki, AŞPA-nın indi gördüyü bütün işlər tamamilə siyasiləşib. Təəssüf ki, təkcə bu təşkilatda deyil, bir çox əlaqədar qurumlarda da Azərbaycan hər şeyi özü deyib. Mən sitat gətirməyəcəyəm. Düşünürəm ki, Azərbaycan tərəfinin vəkillərə ehtiyacı yoxdur. Bizə hamımız Avropa Şurası Parlament Assambleyasında baş verənlərə adekvat qiymət verməliyik. İkili standartlar, təkəbbür AŞPA üçün xarakterikdir" - Zaxarova bildirib.
Rusiya Xarici İşlər Nazirliyinin nümayəndəsinin sözlərinə görə, AŞPA həm də müxtəlif konfessiyalara dözümsüzlük, xüsusən də islamofobiya baxımından seçilir.
"AŞPA-da islamofobiya görünməmiş miqyas alıb. Bu, sadəcə olaraq ədəbsizliyə çevrilib. Neokolonial şovinizm mövcuddur. Bütün bunlar Qərbin eyni dağıdıcı fəaliyyətidir və Avropa Şurasını ciddi institusional böhran həddinə çatdırıb. Mən hətta hüdudları aşdığını deyərdim" - zaxarova fikirlərini yekunlaşdırıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.