BAKI, 4 mart — Sputnik. Martın 4-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gün də tarixə düşən hadisələr bəzi hadisələr baş verib.
Martın 4-də kimlər dünyaya gəlib?
Antonio Vivaldi (1678-1741) - italyan bəstəkarı və skripkaçı, dirijoru və pedaqoqdur. O, böyük və çoxşaxəli - operalar, oratoriyalar, instrumental və kamera musiqisi kimi irslər qoyub gedib.
Yevgeni Paton (1870-1953) - qaynaq, körpü tikintisi və konstruksiya mexanikası sahəsində çalışmış sovet mexaniki və mühəndisidir. O, 1953-cü ildən onun adını daşıyan Elektrik Qaynaq İnstitutunun rəhbəridir. Yevgeni tikililərin statikası və dəmir körpülərin dizaynı üzrə işlə tanınır. Mühəndis perçinlənmiş körpülərin hesablanması və tikintisi prinsiplərini tərtib edib və 50-dən çox belə körpünün layihələndirilməsinə və tikintisinə rəhbərlik edib.
Yevgeni Paton (mərkəzdə) övladları ilə birgə
© Sputnik / Николай Козловский
Vasili Qryazev (1928-2008) - avtomatik artilleriya və atıcı silahların sovet və rusiyalı dizayneridir. O, uzun illər Tula Konstruktor Cihazqayırma Bürosunun baş konstruktoru vəzifəsində çalışıb.
Larisa Lujina (1939) - sovet və rusiyalı aktrisası, RSFSR xalq artistidir. O, "Çağırılmamış qonaqlar", "Görüşlər", "Şaquli", "Sükut" və s. filmlərdə rol alıb.
Martın 4-də dünyada baş verən tarixi hadisələr
1152-ci ildə I Fridrix Hohenştaufen Almaniya kralı olub. O, narıncı rəngli saqqalına görə aldığı Barbarossa ləqəbi ilə tarixə düşüb.
1561-ci ildə italyan kardinal Karlo Karafa Roma Papası tərəfindən ölümə məhkum edilmiş sonuncu katolik prelat olub.
1681-ci ildə ingilis kralı II Karl Uilyam Pennə sonradan Pensilvaniya ştatına çevrilən Şimali Amerikadakı ərazini verib.
1877-ci ildə amerikalı alim Emil Berliner mikrofonu icad edib.
1955-ci ildə Yaponiyanın "Sony" şirkəti ilk tranzistorlu cib radiosunu hazırlamağa başlayıb.
Radio, arxiv
© iStock.com / Tero Vesalainen
1971-ci ildə akademik Mirməmməd Cavadzadənin rəhbərliyi ilə Azərbaycanda ilk dəfə böyrək transplantasiyası əməliyyatı aparılıb.
Böyrək transplantasiyası
© AFP 2023 / PIERRE-PHILIPPE MARCOU
Digər maraqlı xəbərləri həmçinin Sputnik Azərbaycan-ın Teleqram kanalından izləyin.