BAKI, 3 mart - Sputnik. Türkiyənin xarici işlər naziri Hakan Fidan Rusiyanın xarici işlər naziri Sergey Lavrovla Antalyada apardığı danışıqlarda Qafqaz, Qara dəniz regionu və Suriyadakı vəziyyəti müzakirə etdiyini bildirib. RİA Novosti-nin xəbərinə görə, nazirlərin görüşü cümə günü Antalyada keçirilən Diplomatik Forum çərçivəsində baş tutub.
“Gündəlikdə bir çox məsələlər var, ikitərəfli əməkdaşlıqla yanaşı, regional problemləri də müzakirə etdik. Qafqazda (Ermənistan və Azərbaycan arasında - red.) sülh prosesini müzakirə etmək imkanımız oldu, Qara dənizdə təhlükəsizlik məsələləri ilə bağlı müxtəlif kanallar vasitəsilə həyata keçirilən prosesləri də müzakirə etdik".
Türkiyəli nazir həmçinin Suriya ilə bağlı da bir sıra məsələləri müzakirə etmək lazım olduğunu və bunun daha çox vaxt tələb etdiyini bildirib.
"Lakin biz bu mövzunu müzakirə edə bildik, bu mövzuya daha çox vaxt ayırmağa razılaşdıq” - Fidan Antalyada Diplomatik Forumun yekunlarına dair mətbuat konfransında bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.