BAKI, 26 fevral — Sputnik. Xocalıda təbiətə dəyən ziyan hesablanır. Sputnik Azərbaycan xəbər verir ki, bunu jurnalistlərə açıqlamasında ekologiya və təbii sərvətlər naziri Muxtar Babayev deyib.
Onun sözlərinə görə, bundan sonra bərpa işlərinə başlanılacaq.
Nazir qeyd edib ki, dəymiş ziyanla bağlı hesablama işləri yekunlaşdıqdan sonra müvafiq planlar təqdim olunacaq və bunun əsasında bərpa işləri aparılacaq.
Ermənilər tərəfindən törədilmiş ekoloji terrordan sonra işğaldan azad edilmiş ərazilərdə aparılan işlər barədə medianın sualını cavablandıran nazir bildirib ki, bütün təşkilat və qurumlarla birlikdə ekologiyanın bərpası istiqamətində addımlar atılır:
"İşğaldan azad edilmiş ərazilərdə meteoroloji, radioloji stansiyaların quraşdırılması, meşə-bərpa işləri, xəritəçəkmə, geoloji işlər də daxil olmaqla müvafiq addımlar atılır".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.