BAKI, 26 fevral — Sputnik. Fevralın 26-da bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gündə tarixə düşən hadisələr də baş verib.
Fevralın 26-da kimlər dünyaya gəlib?
Viktor Hüqo (1802-1885) - fransız yazıçısı və romantik şair, dramaturq, siyasi və ictimai xadimdir. Onun ən məşhur əsərləri "Notrdam kilsəsinin qozbeli", "Səfillər", "Gülən Adam"dır.
Viktor Hüqonun portreti
© AFP 2024 / NADAR
Nadejda Krupskaya (1869-1939) - rusiyalı inqilabçı, sovet dövlət, ictimai və mədəni xadimi, Vladimir Leninin həyat yoldaşıdır.
Nadejda Krupskaya
© Sputnik
Yevgeni Jarikov (1941-2012) - Sovet və Rusiya teatr və kino aktyoru, RSFSR xalq artistidir. O, "Şərəf kodeksi", "Zəngin və sevimli", "Mənim generalım" və s. filmlərdə rol alıb.
Yevgeni Jarikov
© Sputnik / Дмитрий Коробейников
Rəcəb Tayyib Ərdoğan (1954) - 2014-cü ildən Türkiyə prezidentidir. O, Hakim Ədalət və İnkişaf Partiyasının (AKP) qurucusudur.
Türkiyə prezidenti Rəcəb Tayyib Ərdoğan
© AP Photo / Pavel Golovkin
Beren Saat (1984) - Türkiyə aktrisasdır. O, "Möhtəşəm Yüzyıl. Kösəm İmperatorluğu", "Qadağan olunmuş sevgi", "Fatmagülün günahı nədir?" və bir çox filmlərdə rol alıb. 2013-cü ildə "GQ Turkey" jurnalı onu "İlin qadını" adına layiq görüb.
Fevralın 26-da dünyada baş verən tarixi hadisələr
1852-ci ildə İngiltərənin "Birkenhed" freqatı Ümid burnu yaxınlığında sualtı qayaya çırpılaraq batıb. Nəticədə gəmidə olan 630 nəfərdən 454-ü həlak olub.
1917-ci ildə Nyu-Yorkun "Viktor" studiyasında Yeni Orleansdan olan "Original Dixieland Jazz Band" qrupundan beş musiqiçi ilk dəfə olaraq caz kompozisiyasını yazıblar.
1935-ci ildə şotlandiyalı ixtiraçı Robert Vatson-Vatt ilk dəfə olaraq yaratdığı radarı nümayiş etdirib.
1954-cü ildə ABŞ-da mətn sətirlərinin fotoşəkillərini əldə etmək üçün ilk dəfə olaraq foto toplayan tipoqrafik maşını istifadə edilib.
1955-ci ildə "North Amerikan" şirkətinin amerikalı sınaq pilotu Corc Smit aviasiya tarixində ilk dəfə səsdən yüksək sürətlə katapult edib.
1992-ci il fevralın 25-dən 26-na keçən gecə Ermənistan silahlı qüvvələri beynəlxalq hüququn bütün normalarını pozaraq Azərbaycanın Xocalı şəhərində dinc əhaliyə qarşı ağır hərbi texnika tətbiq edib, onları misli görünməmiş amansızlıqla qətlə yetirib, şəhər yerlə-yeksan edilib. Faciə nəticəsində 613 azərbaycanlı vəhşicəsinə öldürülüb, 487 nəfər ağır yaralanıb, 1275 nəfər isə girov götürülüb. 68 qadın və 26 uşaq daxil olmaqla 150 girovun taleyi hələ də məlum deyil.
Xocalı soyqırımı
© Sputnik / Elnur Salayev
Digər maraqlı xəbərləri həmçinin Sputnik Azərbaycan-ın Teleqram kanalından izləyin.