BAKI, 18 fevral - Sputnik. Türkiyə enerji resursları sahəsində əməkdaşlıq məsələsində Rusiyanın ən etibarlı tərəfdaşıdır.
Rusiya Prezidenti Vladimir Putinin bunu jurnalist Pavel Zarubinlə söhbətində söyləyib.
“Onlar hər zaman deyirdilər: Rusiya vermir, Rusiya məhdudlaşdırır. Biz heç nəyi məhdudlaşdırmırıq! Hamıya veririk, buyurun. Türklər ən etibarlı tərəfdaş oldular. “Türk axını” vasitəsilə işlər qaydasında gedir” – Rusiya prezidenti bildirib.
Uzunluğu, təxminən 1,1 min kilometr olan “Türk axını” boru kəməri Krasnodar diyarının Anapa bölgəsindən Qara dənizin dibi ilə Türkiyənin Avropa hissəsinə qədər uzanır. Layihə 2020-ci ildə istifadəyə verildiyi vaxtdan Türkiyə qaz vasitəçisi kimi imkanlar əldə edib. Bundan əlavə, “Türk axını” Cənubi və Cənub-Şərqi Avropa üçün qaz tədarükünün əlçatanlığını artırıb.
Daha əvvəl Vladimir Putin bildirib ki, Ukrayna qaz tranziti üçün pul almağa davam edir, lakin Rusiyanı təcavüzkar adlandıraraq münaqişə ritorikasını dayandırmır.