BAKI, 13 fevral — Sputnik. Peru hakimiyyəti Ukraynaya kömək etmək üçün Rusiya və Sovet texnikasını ABŞ-a verməkdən imtina etdi.
Bu barədə Rusiyanın Perudakı səfiri İqor Romançenko "RİA Novosti"yə müsahibəsində bildirib.
"ABŞ-ın müqavilə öhdəliklərini pozaraq, Perunu Rusiya və Sovet texnikasını Ukraynaya ötürməyə razı salmaq cəhdlərinə gəlincə, onlar uğursuz oldu" - diplomat vurğulayıb.
Xatırladaq ki, yanvar ayında Ekvador Prezidenti Daniel Noboa köhnə sovet avadanlıqlarının Vaşinqtona köçürülməsi qərarını elan etmişdi. Bunun müqabilində ölkə ABŞ-dan 200 milyon dollar dəyərində yeni hərbi texnika alacaq. Rusiya Xarici İşlər Nazirliyinin rəsmi nümayəndəsi Mariya Zaxarova Ekvador hakimiyyətinin qərarını pisləyərək, bunun maraqlı tərəflərin ciddi təzyiqi ilə qəbul edildiyini bildirib.
Bundan əvvəl ABŞ Ukraynanın Ekvadordan alacağı sovet silahlarının siyahısını açıqlamışdı.