BAKI, 12 fevral — Sputnik. 2024-cü ilin əvvəlinə Rusiya ilə Azərbaycan arasında milli valyutalarda qarşılıqlı hesablaşmalar 54%-i ötüb.
Bu rəqəmi Rusiyanın Azərbaycandakı səfiri Mixail Yevdokimov "İzvestiya" qəzetinin jurnalistləri ilə söhbətində səsləndirib.
Ödənişlər üçün Moskva və Bakı rubl və manatdan istifadə edir. Bu nailiyyətə Qərbin sanksiyaları nəticəsində nail olunub. Maraqlıdır ki, bu sanksiyalar, əslində, iki ölkənin iqtisadiyyatını çıxılmaz vəziyyətə salmalı idi.
"Yəni, biz Bakı ilə münasibətlərimizdə dollar və avrodan uzaqlaşırıq" - Yevdokimov bildirib.
Ticarət dövriyyəsi də artaraq proqnozlaşdırılan 4 milyard dollara qarşı 4,4 milyard dollara çatıb. 17%-ə çatan artım iri sənaye kooperasiyası layihələrinin həyata keçirilməsi hesabına mümkün olub.
"Məsələn, bu KAMAZ-dır ki, burada mövcuddur və artıq servis mərkəzi də açıb. Bu il Bakı metrosuna 35 vaqon gətirmək üçün böyük layihəmiz var" - diplomat əlavə edib.
Bundan əvvəl, Dövlət Dumasının beynəlxalq ödənişlər üçün təhlükəsiz rəqəmsal maliyyə aktivlərindən istifadəyə icazə verəcəyi barədə məlumat verilmişdi.