BAKI, 12 fevral — Sputnik. Finlandiyanın yeni Prezidenti Aleksandr Stubbun Rusiya-Finlandiya münasibətləri mövzusuna balanslı yanaşacağına ümid edirəm.
Bunu Kremlin sözçüsü Dmitri Peskov söyləyib.
Stubb Finlandiyadakı prezident seçkilərinin ikinci turunda qalib gəlib. O, xüsusi hərbi əməliyyat zamanı Rusiyaya qarşı sərt kursu davam etdirəcəyini və dialoqu dayandıracağını vəd edib.
"Fin xalqının seçimi suveren hüquqdur. Finlərin seçiminə ancaq hörmətlə yanaşa bilərik. Bununla yanaşı, hər dəfə ümid edirik ki, yeni dövlət başçısı əlaqələrimizin inkişafının tərəfdarı olacaq. Hazırda isə çünki Stubbun dialoqun olmaması ilə bağlı dediklərini nəzərə alsaq, biz bu barədə danışa bilmərik" – Peskov bildirib.
Kremlin nümayəndəsi xatırladıb ki, ölkələr arasında uzun müddət dostluq münasibətləri olub, lakin sonra bu münasibətlər getdikcə pisləşib. Peskov ümid etdiyini bildirib ki, bütün məlumatları aldıqdan sonra yeni başçı Rusiya-Finlandiya münasibətləri mövzusuna daha balanslı yanaşacaq.
Daha əvvəl səslərin 100%-i hesablandıqdan sonra Stubbun seçicilərin 51,6%-nin səsini aldığı bildirilirdi.