BAKI, 11 fevral - Sputnik. Rusiya xüsusi hərbi əməliyyatın məqsədinə dinc vasitələrlə nail olmasına üstünlük verir, hərbi həll yoluna keçid Rusiyanın haqlı narahatlıqlarını müzakirə etməkdən imtina etdikdən sonra son çarəyə çevrilib. Lakin dinc yol qarşı tərəf tərəfindən rədd edilirsə, xüsusi hərbi əməliyyat davam edir. Belə bir açıqlama ilə Rusiya prezidentinin mətbuat katibi Dmitri Peskov Rossiya 1" telekanalına müsahibəsində bildirib.
“Bu problemin hərbi yolla həllinə keçmək, qanuni narahatlıqlarımızı müzakirə etməkdən imtina etdikdən sonra son çarə idi. Ona görə də bizim üçün əsas odur ki, qarşıya qoyduğumuz məqsədlərə nail olaq, daha yaxşı olar ki, onlara sülh yolu ilə nail olaq. Qarşı tərəfdən bu dinc yoldan imtina edilərsə, o zaman xüsusi hərbi əməliyyat davam edəcək” - Peskov bildirib.
Ukraynada nə baş verir?
Xatırladaq ki, Rusiya 2022-ci il fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Bundan əvvəl məlum olub ki, Ağ Ev hesab edir ki, Moskva ilə danışıqlara başlamaq barədə Kiyev özü qərar verməlidir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.