BAKI, 11 fevral - Sputnik. Sentyabrın 1-dən Azərbaycanda avtomobil sahibləri köhnə avtomobilləri təkrar emala təhvil vermək imkanı əldə edəcəklər. Bunun müqabilində vətəndaşlara Avtomobillərin Təkrar Emalı Fondunda toplanan vəsaitdən müəyyən məbləğ ödəniləcək:
“Avtomobil sahibi yerli istehsal olan yeni avtomobil almağı planlaşdırırsa, ona tam məbləğ ödəniləcək, köhnə avtomobili başqa məqsədlər üçün, o cümlədən xarici avtomobil almaq üçün sərəncam vermək qərarına gələrsə, məbləğ 70 manat olacaq”.
Fevralın 13-də saat 12.00-da Sputnik Azərbaycan Multimedia Mətbuat Mərkəzində Azərbaycanın nəqliyyat sahəsində tanınmış mütəxəssisi Eldəniz Cəfərov proqramın necə işləyəcəyi və hansı məqsədləri güddüyü barədə danışacaq.
Tədbir Mətbuat prospekti, 529-cu məhəllə, bina 23 M, 4-cü mərtəbə ünvanında Sputnik Azərbaycan Multimedia Mətbuat Mərkəzində baş tutacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.