BAKI, 11 fevral - Sputnik. "Seçkilərin nəticələri proqnozlaşdırıla bilən idi. Ölkənin ilk siyasi xadimi postu uğrunda mübarizə aparan bütün mümkün namizədləri, namizəd olmaq istəyən, lakin müxtəlif səbəblərdən imtina edənlər, eləcə də bizim radikal müxalifətin bütün liderlərini tərəsinin bir gözünə qoysaq da, tərəzinin o biri gözündə İlham Əliyevin siyasi imici olacaq və nəticə əvvəlki kimi qalacaq". Belə bir qçıalama ilə Politoloq İlqar Vəlizadə ölkədə keçirilən növbədənkənar prezident seçkiləri ilə bağlı yerli KİV-ə müsahibəsində bildirib.
Onun sözlərinə görə, indiki dövlət başçısı nəinki müasir Azərbaycanın tarixinə daxil olub, o, torpaqlarımızı bizə qaytaran lider kimi nəsillərin yaddaşında əbədi olaraq qalacaq. İstənilən xalqa, ölkəyə nəzər salsanız, qeyd edə bilərsiniz ki, onlara azadlıq, müstəqillik gətirənlərin adları tarixin lövhəsinə yazılıb. İlham Əliyev də məhz belə bir siyasətçidir.
Yeni paradiqma və qlobal proseslərdən danışan politoloq bildirib ki, hazırda geosiyasi müharibələr meydanında əsas oyunçular arasında qarşıdurma gedir.
Onun sözlərinə görə, qırğınların episentrində olan ölkələr isə bu müharibələrin yükünü daşıyırlar. Onlardan bəziləri sadəcə dağılır. Onların bəzilər parçalanır
Ekspert belə bir deyimi xatırladıb - “Cəhənnəmə aparan yol yaxşı niyyətlərlə döşənib”:
"Bu, onların Qarabağdakı erməni azlığının hüquqlarını bərpa etmək və bununla da yeni separatizm dalğasını qaldırmaq sousu altında öz “xoş niyyətləri” ilə bizim üzümüzə açmağa çalışdıqları yoldur. Və buna əsaslanaraq, indi bizim əsas vəzifəmiz Qarabağ münaqişəsinin övladlarımıza, nəvələrimizə qayıdacaq tarix dönüşünün qarşısını almaqdır".
İ.Vəlizadə bildirib ki, cəmiyyət demokratik azadlıqlar və insan haqları ilə bağlı bütün söhbətlərin arxasında üçüncü ölkələrin imperiya ambisiyalarının dayandığını yaxşı bilməlidir:
Politoloq hesab edir ki, Azərbaycanın atacağı bütün addımlar ətrafımızda baş verən bütün proseslərə uyğun olmalı, kənardan təsirlərə məruz qalmayan, eyni zamanda xarici şəraitə uyğunlaşdırılmış sabit dövlətçilik modeli yaradılmalıdır.
“Biz bir tərəfdən öz regionunda vəziyyətə hakim olan, digər tərəfdən isə başqa güc mərkəzləri ilə müstəqil siyasət aparmaq imkanına malik olan sabit orta gücə çevrilməliyik. Bundan əlavə, biz qonşularımızla qarşılıqlı əlaqədə olan zaman öz dominant mövqeyimizi daim möhkəmləndirməliyik. Və mən həqiqətən ümid etmək istəyirəm ki, qonşular bunu qəbul edəcəklər" - politoloq fikrini tamamlayıb.