BAKI, 9 fevral — Sputnik. Ermənistan və Azərbaycan qaz kəmərlərinin bərpası məsələsini hələlik müzakirə etməyiblər.
2023-cü ilin oktyabrında ərazi idarəetmə və infrastruktur nazirinin müavini Akop Vardanyan bildirmişdi ki, siyasi məsələlər həll olunarsa, Ermənistan Azərbaycandan qaz kəmərlərini bərpa etməyə hazırdır.
Nazirliyin bəyanatında qeyd olunur ki, Ermənistan və Azərbaycanın qaz nəqli sistemləri bir-birinə magistral qaz kəmərləri vasitəsilə birləşdirilib:
Qazax-İrəvan, diametri 1000 mm, 6 km bərpa edilməlidir;
İlyiçevsk-İrəvan, diametri 700 mm, 22 km bərpa edilməlidir;
Gorus-Naxçıvan, diametri 700 mm, 16,5 km bərpa edilməlidir.
Ermənistan rəsmi qurumları bildirir ki, Azərbaycan tərəfi ilə bu məsələ ilə bağlı heç bir müzakirə aparılmayıb.