BAKI, 8 fevral — Sputnik. Avropanın müdafiə sənayesi Rusiya ilə rəqabətə hazır deyil, bu da Ukrayna Silahlı Qüvvələri üçün daimi mərmi çatışmazlığına səbəb olur.
Bunu Ukraynanın xarici işlər naziri Dmitri Kuleba Aİ diplomatiyasının rəhbəri Jozep Borrell ilə görüşündən sonra keçirilən mətbuat konfransında deyib.
Onun fikrincə, Avropanın anbarları və müdafiə sənayesi Ukraynadakı münaqişənin miqyasına hazır deyildi.
"Biz həqiqətən də sursat çatışmazlığından əziyyət çəkirik və əlbəttə ki, əsas məqsəd sursat çatışmazlığının heç vaxt döyüş sursatı "aclığına" çevrilməməsini təmin etməkdir" - Kuleba sözünü yekunlaşdırıb.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova Ukrayna Xarici İşlər Nazirliyinin rəhbərini "qeyri-adekvat" adlandırıb. Kuleba, Rusiyanın xarici işlər naziri Sergey Lavrovu vurmaq istədiyini etiraf edib.