BAKI, 7 fevral - Sputnik. ABŞ Rusiyaya qarşı “ilk zərbə” üçün Britaniyada nüvə silahı yerləşdirə bilər - Rusiya Xarici İşlər Nazirliyi ABŞ-ın Böyük Britaniyada nüvə silahı yerləşdirməsi Rusiyaya qarşı “ilk zərbənin” vurulması məqsədinə xidmət edə bilər. Bunu TASS-a müsahibəsində Rusiya Xarici İşlər Nazirliyinin silahların yayılmaması və silahlara nəzarət departamentinin direktoru Vladimir Yermakov deyib.
"Bu, (ABŞ-ın nüvə silahlarının Britaniyada mümkün yerləşdirilməsi - TASS) İngilislərin öz qiymətləndirmələrinə görə, yüksək yaşamaq qabiliyyəti ilə seçilən, "etibarlı və kifayət qədər" sualtı qayıqlar şəklində nüvə silahı daşıyıcılarına sahib olmaqda davam etdiyi bir şəraitdə qəribə görünür”, V.Yermakov bildirib.
Rusiya Xarici İşlər Nazirliyinin silahların yayılmaması və silahlara nəzarət departamentinin direktoru Vladimir Yermakov
© Sputnik / Нина Зотина
Onun qənaətinə görə, bu baxımdan, ağlabatan sual yaranır: bu silahlar Rusiyaya qarşı hansısa sərsəm “ilk zərbə”də istifadə etmək üçün NATO ölkələrinin heterojen qüvvələrinin və imkanlarının potensial toplanmasına töhfə kimi qiymətləndirilmirmi? - diplomat bildirib.
Departamentinin direktoru həmçinin bildirib ki, Rusiya ABŞ-ın təhlükəsizlik “narahatlığının” mövcud şərtlərinə biganədir:
“Rusiya hazırda amerikalılarla strateji məsələlərlə bağlı heç bir əsaslı müzakirələr aparmır. Biz həmçinin Vaşinqtona təhlükəsizliyimizi pozmaq cəhdləri nəticəsində özü üçün yaratdığı riskləri azaltmağa kömək etmək niyyətində deyilik".
ABŞ-ın Rusiya Federasiyasında "Perimetr" nüvə cavab zərbəsi sisteminin mümkün olması ilə bağlı narahatlığı ilə bağlı sualı cavablandıran diplomat vurğulayıb:
"Bizim üçün ABŞ-ın "narahatlıqları"nın heç bir mənası yoxdur. Bu cür sistemlər və ya bəzən "Qiyamət maşınları" adlandırılan, milli ərazilərdə yerləşən və təcavüzü dayandırmaq üçün başqa variant qalmadıqda partlayan minaya bənzəyir. Bunun qarşısının alınması üçün yalnız bir yol var - onun üzərinə basmamaq. Buna görə də ölkəmizə hücum etmək fikrində olmayanların narahat olmağa heç bir əsası yoxdur”.
Diplomat həmçinin qeyd edib ki, Birləşmiş Ştatlar üçün təhlükəsizlik risklərini azaltmağın aşkar və ən sürətli yolu “boş qüvvə təzyiqindən və Rusiyaya “strateji məğlubiyyət” vermək üçün illüziya cəhdindən əl çəkməkdir”.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.