BAKI, 3 fevral - Sputnik. Rusiya Prezidenti Vladimir Putin RF iqtisadiyyatının çökəcəyini proqnozlaşdıranların hamısına məlum jesti göstərməyəcəyini, lakin bunu istədiyini bildirib.
“Bizim üçün, bildiyiniz kimi, çökəcəyimiz, uğursuz olacağımız, tənəzzül edəcəyimiz, sanksiyaların təzyiqi altında təslim olacağımız, geri çəkiləcəyimiz, dağılacağımız proqnozlaşdırılırdı. Mən onlara məşhur bir jest göstərmək istərdim, amma bunu etməyəcəyəm - burada çoxlu qız var”, - Rusiya lideri “Hər şey Qələbə üçün” forumunda çıxışı zamanı deyib.
Tamaşaçıların alqışları altında Vladimir Putin, “onlarda heç nə alınmayacaq” deyib. Rusiya iqtisadiyyatı, Putinin vurğuladığı kimi, əksinə, möhkəmlik nümayiş etdirib, görünməmiş xarici təzyiqlərə tab gətirib və inamla inkişaf edir.
Daha əvvəl Putin qeyd edib ki, Aİ iqtisadiyyatı Rusiyadan neft və qazdan imtinaya görə “sıfır nöqtəsinə” çatıb.