BAKI, 26 yanvar — Sputnik. Hazırda Rusiya Federasiyası, Suriya, Türkiyə və İranın kəşfiyyat xidmətlərinin nümayəndələri arasında dördtərəfli formatda təmaslar davam edir. Bu barədə Rusiya prezidentinin Suriya üzrə xüsusi nümayəndəsi Aleksandr Lavrentyev RİA Novosti-yə müsahibəsində deyib.
O qeyd edib ki, Yaxın Şərqdə vəziyyətin gərginləşməsi fonunda gələcəkdə dörd ölkənin müdafiə nazirləri arasında danışıqların baş tuta biləcəyini söyləmək hələ tezdir.
"Düşünürəm ki, hər şey birbaşa İdlib ətrafında, Fəratda və İsrail-Suriya və İsrail-Livan sərhədlərində vəziyyətin inkişafında yaranan reallıqlardan asılı olacaq" - Lavrentyev yekunlaşdırıb.
Qazaxıstanın paytaxtı Astanada Suriya ilə bağlı danışıqların növbəti mərhələsi 2024-cü ilin ikinci yarısında keçiriləcək.
"Amerikalıların Suriya silahlı müxalifəti qarşısında Suriyadakı Rusiya hərbi kontingentinə maksimum ziyan vurmaq tapşırıqları qoyduğuna dair siqnallar var. Onlar müxalifəti bu işə cəlb etməyə başlayırlar: onları müasir silahlarla, pilotsuz uçuş aparatları ilə təmin edirlər ki, reydlər keçirə bilsinlər. Biz müxtəlif təxribatların həyata keçirilməsinin qarşısını almağa çalışırıq" - Lavrentyev bildirib.