BAKI, 23 yanvar — Sputnik. ABŞ Prezidenti Co Baydenin hazırkı administrasiyası Rusiya ilə siyasi dialoqda maraqlı deyil.
Bunu Rusiyanın xarici işlər naziri Sergey Lavrov deyib.
Nazir bildirib ki, hazırkı ABŞ hakimiyyəti heç bir siyasi dialoqa maraq göstərmir. Onun sözlərinə görə, istisnalar yalnız mübadilə mövzusu, səfirliklərin fəaliyyəti və Nyu-Yorkdakı Rusiya diplomatlarının missiyası ilə əlaqələrdir.
Lavrov əlavə edib ki, Rusiya-Amerika münasibətlərinin əsaslarının məhv edilməsi təşəbbüsü Corc Buşun tərəfindən irəli sürülüb. Diplomat xatırladıb ki, məhz Buş Vladimir Putinə raketdən müdafiə sistemlərinin məhdudlaşdırılması haqqında müqavilədən çıxdığını bildirib.
Lavrov bu yaxınlarda söyləyib ki, 2024-cü ildə Rusiyanın qarşısında iqtisadiyyat və tədarük zəncirlərində Qərbdən istənilən asılılıqdan qurtulmaq vəzifəsi durur. Nazir qeyd edib ki, Rusiya və onun tərəfdaşları öz iqtisadiyyatlarının inkişafı üçün rəqabət üstünlüklərinə malikdirlər və Moskva beynəlxalq münasibətlərin daha da demokratik olması üçün hər şeyi edəcək.