BAKI, 21 yanvar — Sputnik. Hidrotermal havalandırma şəraitində hidrogen, bikarbonat və dəmirlə zəngin maqnititin qarışdırılması müxtəlif üzvi molekulların, o cümlədən yağ turşularının əmələ gəlməsi ilə nəticələnir.
Nyukasl Universitetinin alimlərinin "Communications Earth & Environment" jurnalında dərc etdiyi araşdırmalar bu qənaətə gəlməyə əsas verir.
Beləliklə, bu, Kainatda həyatın mənşəyi ilə bağlı fundamental nəzəriyyələrdən birini sual altına qoyur.
Yağ turşuları hüceyrə membranlarının əmələ gəlməsində mühüm rol oynayır, çünki onların molekulları hidrofilik və hidrofobik bölgələrə malikdir və nəticədə suda özbaşına şəkildə içi boş orqanik qabarcıqlar əmələ gətirirlər.
Bu xüsusiyyətin biokimyəvi reaksiya zəncirlərinin baş verdiyi ilk hüceyrələrin meydana gəlməsinə səbəb olduğu hesab edilir. Bununla belə, abiogenezin ilkin mərhələlərində yağ turşularının necə yarandığı aydın deyildi.
Yağ turşularının hidrotermal ventilyasiyalarda əmələ gəldiyinə dair fərziyyəni yoxlamaq üçün alimlər laboratoriyada Yerin qədim okeanlarında mövcud olan və yüksək karbon qazı ilə xarakterizə olunan şəraiti təkrarlayıblar. Onlar, həmçinin bəzi növ hidrotermal mənbələrdən dəniz suyunu isti qələvi su ilə qarışdırmağı simulyasiya ediblər.
Məlum olub ki, hidrogenlə zəngin isti mayelər karbon qazı ilə zəngin su ilə qarışdırıldıqda, əgər orda dəmir əsaslı minerallar iştirak edərsə, ibtidai hüceyrələrin membranlarını meydana gətirmək üçün lazım olan molekul tipləri ortaya çıxır.
Müəlliflər oxşar prosesin Günəş sistemində mövcud olan Avropa, Qanimed və ya Kallisto kimi "Buzlu Ay"ların səthinin altındakı okeanlarda baş verə biləcəyini ehtimal edirlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.