BAKI, 21 yanvar - Sputnik. Almaniyada nağd pul əvəzinə dövlət orqanları tərəfindən bank kartları verilən ilk qaçqınlar artıq bu yenilikdən narazılıq əlaməti olaraq ölkəni tərk etməyə başlayıblar. Bu barədə yerli “Bild am Sonntag” qəzeti yazıb.
Bildirilir ki, Almaniya hökuməti yalnız qaçqınlar üçün bank kartlarının tətbiqi imkanlarını müzakirə edir, lakin Qreyz rayonunda (Türinqiya federal əyaləti) onlar artıq buraxılmağa başlayıb. İndiyədək miqrantlara 200-ə yaxın ödəniş kartı paylanıb, ayın sonunadək 740 qaçqın onları almalıdır. Ölkənin bir neçə regionu bu təcrübəni təhlil edib və artıq oxşar sistemin necə yaradılması ilə bağlı məsləhətləşmələrə başlayıb.
“Mühacirlərin çoxu dəyişikliyi qəbul edir və nə isə əldə edə bildiklərindən xoşbəxtdirlər”, - deyə Qaçqınlar üzrə xidmətin rəhbəri Daqmar Pöland qəzetə bildirib.
Bununla belə, onun sözlərinə görə, hələ 2023-cü ilin dekabrında 15 qaçqın kartdan çox nağd pula ehtiyac duyduqlarını və bundan sonra tezliklə Almaniyanı tərk ediblər.
Suriyalı qaçqınlar Hannover hava limanında,arxiv
© AFP 2024 / TOBIAS SCHWARZ
Nəşr qeyd edir ki, Qreiz rayonundan deportasiya edilənlərin sayı xeyli artıb.
“Ödəniş kartı "buğdanı samandan ayırmağa" imkan verir. Sığınacağa həqiqətən ehtiyacı olanlar ödənişi necə edəcəkləri ilə maraqlanmır: qazanclarını geyimə və yeməyə xərcləyirlər. Amma bəziləri, xüsusən də gənclər bu üstünlükdən istifadə edərək yeni mobil telefonlar alırlar”, - deyə Pöland bildirib.
Sistemin iş üsulu ondan ibarətdir ki, hər bir qaçqın (əsasən Suriya və Əfqanıstandan olanlar) kart alır və bu kart hər ay yerli administrasiya tərəfindən doldurulur. Bu kartlar vasitəsilə alış-veriş hər yerdə edilə bilər, lakin kartlar yalnız müəyyən bir bölgədə etibarlıdır.
Bundan əlavə, həmin kartlar vasitəsilə bank köçürmələri (məsələn, öz ölkənizə və ya kreditləri ödəmək üçün) mümkün deyil. Kartın kredit balansı 5 min avroya çatdıqda, kartın balansı artırılmır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.