BAKI, 21 yanvar — Sputnik. ABŞ-ın Aya eniş aparatı olan "Peregrine" Aya çatmadan missiyasını başa vurub.
Bu barədə "Astrobotic" tərtibatçı şirkətinin nümayəndələri məlumat verib.
Şirkətin X* sosial şəbəkəsindəki rəsmi səhifəsində yayılan bəyanatda qeyd edildiyi kimi, modul buraxılışdan on gün sonra öz missiyasını başa vuraraq Sakit Okeanın cənubu üzərində atmosferə daxil olub.
Qeyd olunub ki, uğursuz missiyanın təfərrüatları yanvarın 19-da keçiriləcək mətbuat konfransında veriləcək.
Xatırladaq ki, Aya yükləri, o cümlədən "Pereqrin" modulunu çatdırmalı olan "Vulcan" daşıyıcı raketi yanvarın 8-də Florida ştatındakı Kanaveral burnundakı Kosmos Mərkəzindən orbitə buraxılıb. Daşıyıcıdan ayrıldıqdan bir neçə saat sonra modul hərəkət sistemində nasazlıq və yanacaq sızması ilə üzləşib.
Bundan əvvəl, həmçinin bildirilmişdi ki, NASA kosmik gəmidəki qüsurlara görə "Artemida 2" və "Artemida 3" Ay missiyalarının buraxılışını bir il müddətinə təxirə salıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.