BAKI, 20 yanvar - Sputnik. Rusiya ötən il Çinə 107 milyon ton neft ixrac edib ki, bu da 2022-ci illə müqayisədə 24 % çoxdur. Bu, Rusiya Federasiyasına Çinə ən böyük neft tədarükçüsü olmağa imkan verib.
Bu barədə Çin Baş Gömrük İdarəsinin dərc etdiyi məlumatda deyilib.
2023-cü ildə tədarükün dəyəri 60,6 milyard dollar təşkil edib ki, bu da əvvəlki illə müqayisədə 3,5 % çoxdur.
İlin sonunda Rusiya Çinə ən böyük neft tədarükçüləri arasında birinci yerini qoruyub. İkinci yeri Səudiyyə Ərəbistanı (86 milyon ton), üçüncü yeri İraq (59 milyon ton) tutur (Report).