BAKI, 19 yanvar — Sputnik. Mülki əhali var-olmamasından asılı olmayaraq Rusiya ilə müharibəyə hazırlaşmalıdır.
Bu açıqlama ilə NATO-nun hərbi komitəsinin rəhbəri Rob Bauer çıxış edib.
Onun sözlərinə görə, vətəndaşlar dərk etməlidirlər ki, yaxın 20 ildə hər şey heç də yaxşı olmaya bilər.
"Biz hazırkı dinc həyatımızın daimi olmadığını başa düşməliyik. Ona görə də Rusiya ilə münaqişəyə hazırlaşmalıyıq. Biz hər şeyə hazır olmalıyıq," – "The Telegraph" Bauerdən sitat gətirib.
NATO-nun hərbi komitəsinin rəhbəri daha çox silah və döyüş sursatı istehsal etmək üçün sənayeni modernləşdirməyə, eləcə də müharibə vəziyyətində daha çox insanı öyrədən sistem yaratmağa çağırıb.
Bundan əvvəl Almaniyanın "Bild" nəşri Almaniyanın Ukrayna Silahlı Qüvvələrinin məğlubiyyətindən sonra Rusiya ilə müharibəyə hazırlaşdığını yazıb.
O da məlum olub ki, gələn həftə NATO ən böyük təlimlərini Almaniya, Polşa və Baltikyanı ölkələrdə keçirəcək.