BAKI, 13 yanvar — Sputnik. Süni intellekt kənd təsərrüfatında dəqiq əkinçilik, həmçinin genetika və seleksiya kimi sahələrdə tətbiq oluna bilər.
Bunu Rusiya baş nazirin müavini Viktoriya Abramçenko "RİA Novosti"yə müsahibəsində deyib.
"Kənd təsərrüfatında süni intellektin tətbiqi dəqiq əkinçiliklə birmənalı bağlıdır. Təbii ki, genetika və seleksiyada", - deyə o bildirib.
Onun sözlərinə görə, bu cür texnologiyalar artıq ekoloqlar tərəfindən fəal şəkildə istifadə olunur.
"Meşə yanğınlarının monitorinqindən tutmuş ictimai yollardakı kameralardan videoların neyroşəbəkə tərəfindən təhlil edildiyi eksperimentin həyata keçirilməsinə qədər süni intellekt elementlərinin artıq aktiv şəkildə istifadə olunduğu ilk istiqamət meşə təsərrüfatı kompleksidir", - deyə Abramçenko qeyd edib.
Rusiya baş nazirin müavini Viktoriya Abramçenko, arxiv
© Sputnik / Vladimir Fedorenko
/ Süni intellekt, həmçinin tullantıların yerləşdirilməsinin monitorinqinə kömək edir. Texnologiya poliqonu, onun həyat dövrünü uzaqdan idarə etməyə, pozuntular aşkar edildiyi təqdirdə pozucuları məsuliyyətə cəlb etməyə imkan verir.
"Süni intellekt həm də istənilən heyvan növünün populyasiyasının monitorinqini təmin etməyə kömək edir. Məsələn, Qrenlandiya balinalarının öyrənilməsi üçün müntəzəm mövsümi ekspedisiyalar aparılır, dronların köməyi ilə aerofotosekspedisiyalar aparılır ", - deyə baş nazirin müavini əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.