BAKI, 11 yanvar - Sputnik. Rusiya iqtisadiyyatı alıcılıq qabiliyyəti pariteti baxımından Avropada birinci, dünyada isə beşinci yerə çıxıb. TASS xəbər verir ki, bu barədə Rusiya prezidenti Vladimir Putin Uzaq Şərq regionunun sahibkarları ilə görüşündə deyib.
Eyni zamanda, RF dövlət başçısı qeyd edib ki, adambaşına düşən göstəriciyə görə isə Rusiya Federasiyasının hələ də üzərində işləməli olduğu məsələlər var.
“Guya bizi hər tərəfdən boğur, əzirlər, amma bütövlükdə iqtisadiyyatın həcminə görə Avropada birinciyik. Almaniyanı üstələdik və dünyada beşinci yeri tutduq: Çin, ABŞ, Hindistan, Yaponiya, Rusiya", - deyə Rusiya prezidenti bildirib.
“Alıcılıq qabiliyyəti pariteti baxımından biz bütün Avropanı geridə qoyduq, lakin adambaşına düşən məbləğdə hələ də çalışmalıyıq. Deməli, burada işləmək lazım olan məsələlər var”, - deyə RF dövlət başçısı əlavə edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.