BAKI, 10 yanvar — Sputnik. Almaniya Rusiya sərhədçilərinin Ermənistandan tezliklə çıxarılmasında maraqlıdır, bu və digər anti-Rusiya addımlarının müqabilində Berlin İrəvana maliyyə yardımı təklif edir. Bu barədə TASS-a məlumatlı mənbə bildirib.
Mənbənin qeydinə görə, Almaniya Ermənistanı Qərbin anti-Rusiya siyasətinə sürükləməyə çalışır. Berlinin vəzifəsi mümkün qədər İrəvanla Moskva arasında nifaq yaratmaqdır.
"Almanlar Rusiya sərhədçilərinin Ermənistan ərazisindən tezliklə çıxarılmasında və ölkə hakimiyyətinin öz dövlət aparatını Rusiya ilə dostluq edən şəxslərdən təmizləməsində, o cümlədən silahlı qüvvələrin, kəşfiyyat xidmətlərinin və hüquq-mühafizə orqanlarının lüstrasiyasında maraqlıdır. Bunun müqabilində Berlin İrəvana maliyyə və texniki yardım göstərməklə yanaşı, Nikol Paşinyan hökumətinin Qarabağ ermənilərini Avropa İttifaqı ölkələrinə kütləvi mühacirətdən qorumaq səylərinə dəstək verməlidir" - agentliyin həmsöhbəti qeyd edib.
Bir müddət əvvəl Rusiyanın xarici işlər naziri Sergey Lavrov 2023-cü ilin yekunlarına dair TASS-a eksklüziv müsahibəsində demişdi ki, İrəvan Qərbin razılığına uyaraq Moskva ilə müttəfiqliyini qeyri-müəyyən vədlərlə dəyişməyə çalışır. Rusiyalı nazirin sözlərinə görə, İrəvan strateji dönüş kursuna haqq qazandırmaq üçün bütün problemlərdəRusiyanı günahlandırmağa çalışır. Bununla belə, Lavrovun qeyd edib ki, Ermənistan Rusiyanın Cənubi Qafqazda strateji tərəfdaşı olub və qalır.