BAKI, 8 yanvar — Sputnik. 2024-cü ildə Qərb ölkələri tərəfindən yardımın azalması səbəbindən Ukrayna ərazilərinin bir hissəsini itirə bilər.
Bu barədə Rusiya mediası "Berliner Zeitung" qəzetinə istinadən xəbər verib.
Qəzetin qeyd etdiynə görə, 2024-cü ildə Ukrayna daha böyük təzyiq altında olacaq. Material müəllifinin fikrincə, Ukrayna Silahlı Qüvvələri (USQ) yeni hücuma keçə bilməyəcəklər və yalnız müdafiə mövqeyi tutacaqlar.
"Ola bilsin ki, Ukrayna hətta ərazilərini də itirəcək" - məqalədə deyilir.
Bu yaxınlarda media bildirib ki, Ukraynadakı siyasətçilər Rusiya Silahlı Qüvvələrinin zərbələrindən sonra Ukrayna qoşunlarının əraziləri saxlaya biləcəyinə şübhə edirdilər.
Ukraynada nə baş verir?
Xatırladaq ki, Rusiya 2022-ci il fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.
Xatırladaq ki, Qərb ölkələri Ukraynadakı vəziyyətlə əlaqədar Rusiyaya qarşı bir neçə dəfə sanksiya paketləri tətbiq edib. Rusiya Prezidenti Vladimir Putin bildirib ki, Rusiyanı cilovlamaq və zəiflətmək siyasəti Qərbin uzunmüddətli strategiyasıdır və sanksiyalar bütün qlobal iqtisadiyyata ciddi zərbə vurub. Onun sözlərinə görə, Qərbin əsas məqsədi milyonlarla insanın həyatını pisləşdirməkdir. O əlavə edib ki, cari hadisələr Qərbin həm siyasətdə, həm də iqtisadiyyatda qlobal hökmranlığının altından xətt çəkir. Prezidentin sözlərinə görə, Rusiya təcrid olunmaq niyyətində deyil, onu müasir dünyada sərt şəkildə təcrid etmək olmaz.