BAKI, 8 yanvar — Sputnik. Hindistan və Rusiya nüvə enerjisi, o cümlədən aşağı güclü nüvə reaktorları sahəsində əməkdaşlığı genişləndirmək niyyətindədir.
Bunu Rusiyanın Hindistandakı səfiri Denis Alipov "Valday" Klubu və "Vivekananda" Fondunun konfransında bəyan edib.
"Biz Hindistanın digər obyektlərində nüvə enerjisi sahəsində əməkdaşlığı genişləndirmək və daha böyük gücə malik nüvə reaktorları təklif etmək üçün əməkdaşlığı davam etdirməyə ümid edirik. "Kudankulam" atom elektrik stansiyasında hər biri 1000 meqavatlıq altı reaktor var, lakin biz kiçik enerji sahəsində də dialoq aparırıq. Hindistanın maraqlarına cavab verən nüvə reaktorları bizim üçün maraqlıdır", - deyə o, bildirib.
Bundan əvvəl "Hindustan Times" nəşri mənbələrə istinadən xəbər vermişdi ki, dekabrın sonunda Moskvada səfərdə olan Hindistanın xarici işlər naziri Subramanyam Cayşankar, xüsusilə iki ölkə arasında nüvə enerjisi sahəsində əməkdaşlığın inkişaf etdirilməsi məsələlərini müzakirə edib. Qəzetin yazdığına görə, Moskva 75 MVt-dan 300 MVt-a qədər elektrik enerjisi istehsalı üçün istifadə edilən kiçik modul reaktorun yaradılması texnologiyasını təqdim etməyə hazırdır.