BAKI, 4 yanvar — Sputnik. 2023-cü ildə sahibkar və SpaceX-in qurucusu İlon Mask 95,4 milyard dollar qazanıb.
Bu barədə “Bloomberg” məlumat yayıb.
İş adamı və alim, medianın məlumatına görə, hələ də dünyanın ən zəngin 500 adamı siyahısında qalır. Mask belə uğura "Tesla" və "SpaceX"-in uğurları sayəsində nail olub.
Təkcə son bir ildə dünyanın ən varlı adamlarının ümumi kapitalı 1,5 trilyon dollar artıb. Məsələn, Mark Zukerberq sərvətini 80 milyard dollar, “Amazon”un qurucusu Ceff Bezos isə 70 milyard dollar artırıb.
Bundan əvvəl məlum olmuşdu ki, “L'Oreal” kosmetika şirkətinin varisi Fransuaza Betankur Meyers 100 milyard dollar sərvəti olan ilk qadın olub.