BAKI, 3 yanvar - Sputnik. ABŞ hərbçiləri Ermənistan Silahlı Qüvvələrinin serjant korpusunun təkmilləşdirilməsində yardım edir. Bu barədə ABŞ-ın Avropa Komandanlığının mətbuat xidməti məlumat yayıb.
“Bu yaxınlarda ABŞ-ın Avropa Komandanlığının baş serjantı Robert Aberneti Ermənistan Silahlı Qüvvələrinin serjant korpusunun təkmilləşdirilməsinə kömək etmək, ilkin hazırlıq və inkişaf siyasətinin formalaşdırılması üzərində işləmək üçün Ermənistana səfər edib”, - məlumatda deyilir.
Bundan əvvəl Ermənistan Silahlı Qüvvələrinin Baş Qərargah rəisi, general-leytenant Edvard Asryan ABŞ-ın Avropa Komandanlığının rəis müavini Stiven Başamla danışıqlar zamanı bildirib ki, Ermənistan orduda islahatların aparılmasında ABŞ-dan yardım gözləyir.