BAKI, 2 yanvar - Sputnik. Yanvarın 1-dən 2013-cü ilə qədər istehsal olunmuş avtomobillərin Azərbaycana idxalına məhdudiyyət qoyulub.
İstehsal tarixinə görə avtomobillərin Azərbaycana idxalına məhdudiyyətlər Nazirlər Kabinetinin 29 mart 2023-cü il tarixli 94 nömrəli qərarına əsasən həyata keçirilir.
Belə ki, istismar müddəti 10 ildən çox olan minik avtomobillərinin Azərbaycan ərazisinə gətirilməsi ilə bağlı 29 mart 2023-cü il tarixdə qərar qəbul edilib.
Qətnamənin məqsədi insanların həyat və sağlamlığının, ətraf mühitin qorunması, avtonəqliyyat vasitələri tərəfindən atmosferə atılan zərərli maddələrin miqdarının azaldılması və ekoloji vəziyyətin yaxşılaşdırılmasına dəstək verilməsidir.
İqtisadçı ekspert Natiq Cəfərli deyib ki, sözügedən qadağa nəticəsində istehsal ili 10 ildən artıq olan avtomobillərin daxili bazarda qiyməti bahalaşacaq və maddi imkanı aşağı olan vətəndaşların nəqliyyat vasitəsi əldə etməsi çətinləşəcək.