BAKI, 26 dekabr — Sputnik. Serbiyanın hazırkı hakimiyyəti çoxluğun seçimini qorumağa borcludur, əks halda ölkə mövcud olmaya bilər. Bunu Rusiya Dövlət Dumasının spikeri Vyaçeslav Volodin bildirib.
O, Serbiyanın hazırkı prezidenti Aleksandr Vuçiçin koalisiyasının növbədənkənar parlament seçkilərində qalib gəldiyini və xalqın Qərbin güvəndiyi insanları dəstəkləmədiyini xatırladıb.
"Bu baxımdan, Serbiyanın hazırkı hakimiyyəti serb xalqının iradəsini və çoxluğun seçimini qorumağa borcludur. Əks halda nə olacağı hamıya yaxşı məlumdur: ölkə mövcud olmaya bilər", - Volodin qeyd edib.
Volodin qeyd edib ki, Vaşinqton və Brüssel başqa ölkələrdə öz marionetlərini hakimiyyətə gətirə bilməyən kimi, ABŞ və Avropa İttifaqından seçki pozuntuları və nəticələrin tanınmaması ilə bağlı bəyanatlar verilir. Vəziyyət ABŞ-dan qaynaqlanır, insanlar küçələrə çıxarılır, çevriliş cəhdləri təşkil edilir. Bu gün Serbiyada bu baş verir", - Volodin bildirib.
Dövlət Dumasının sədri əlavə edib ki, KTMT Parlament Assambleyasının nümayəndələri Serbiyada keçirilən seçkilərdə müşahidəçi qismində iştirak ediblər və heç bir qanun pozuntusu qeydə almayıblar.