BAKI, 25 dekabr - Sputnik. Rusiyanın təşəbbüsü ilə həyata keçirilən Şimal-Cənub nəqliyyat dəhlizinin yaradılması Avrasiyanın nəqliyyat və logistika sektorunda sıçrayış olacaq. TASS xəbər verir ki, bu barədə Belarus Prezidenti Aleksandr Lukaşenko Ali Avrasiya İqtisadi Şurasının (AAİŞ) iclasında bildirib.
"Bu cür səylərin birləşməsinə yaxşı nümunə Putinin təşəbbüsü, Azərbaycan və İranın iştirakı ilə həyata keçirilən Şimal-Cənub nəqliyyat dəhlizidir. Bu, nəqliyyat və logistika sahəsində sıçrayış olacaq”, - deyə Lukaşenko qitə miqyasında nəqliyyat, logistika, ticarət və iqtisadi məkanın formalaşmasından danışarkən bildirib.
Belarus prezidenti bu layihəyə dinamikanın verilməsinin vacibliyini və heç bir halda onun kağız üzərində qalmamalı” olduğunu vurğulayıb.
“Bütün planların həyata keçirilməsi nəticəsində Avrasiya İqtisadi İttifaqını 2030-cu ilə qədər olmasa da, 2045-ci ilə qədər iqtisadi cəlbediciliyin əsas qlobal qütblərindən biri görmək istərdim”, - Belarus prezidenti qeyd edib.
“Şimal-Cənub” multimodal nəqliyyat dəhlizinin yaradılması haqqında hökumətlərarası saziş 2000-ci ildə Rusiya, Hindistan və İran tərəfindən imzalanıb. Daha sonra iştirakçıların sayı 14-ə çatıb. Layihənin məqsədi Hindistan, İran və Fars körfəzi ölkələrindən Rusiya ərazisindən keçməklə Avropaya yük axınlarının tranzitini cəlb etməkdir (Süveyş kanalından keçən dəniz yolu ilə müqayisədə, məsafə yarıdan çox azaldılır ki, bu da daşımanın vaxtını və maya dəyərini azaldır). Hazırda layihə ayrı-ayrı dövlətlərin bir neçə müxtəlif nəqliyyat sistemini birləşdirir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.