BAKI, 25 dekabr - Sputnik. Avrasiya İqtisadi İttifaqında (Aİİ) əməkdaşlıq uğurla davam edir, assosiasiya ölkələrinin iqtisadi potensialını üzə çıxarır. Belə bir bəyanatla Rusiya prezidenti Vladimir Putin Ali Avrasiya İqtisadi Şurasının bu gün keçirilən iclasında deyib.
"Məmnunluq hissi ilə qeyd etmək istərdim ki, Aİİ çərçivəsində əməkdaşlıq dövlətlərimizin iqtisadi potensialının daha dolğun üzə çıxarılmasına töhfə verməklə çox uğurla və dinamik şəkildə inkişaf edir”, - deyə Putin bildirib.
RF lideri xatırladıb ki, ölkələr qarşılıqlı fayda, hörmət və bütün ölkələrin maraqlarının nəzərə alınması prinsipləri əsasında qarşılıqlı fəaliyyət göstərir.
“Avrasiya İttifaqı 10 ilə yaxındır ki, fəaliyyət göstərir və bu müddət ərzində qarşılıqlı ticarətin həcmi təxminən iki dəfə artıb, Aİİ ölkələrinin ümumi ÜDM-i isə 1,6 trilyon dollardan 2,5 trilyon dollara yüksəlib”, - deyə Rusiya Prezidenti vurğulayıb.
Rusiya prezidenti həmçinin bildirib ki, Avrasiya İqtisadi İttifaqı yaxşı bazaya və effektiv struktura malik nüfuzlu beynəlxalq birlik kimi formalaşmışdır.
“Avrasiya [İqtisadi] İttifaqı effektiv struktura və yaxşı bazaya malik nüfuzlu beynəlxalq inteqrasiya birliyi kimi yer alıb”, - Rusiya lideri bildirib.
Putinin sözlərinə görə, Aİİ-nin işi birbaşa olaraq assosiasiyaya üzv olan dövlətlərin (Rusiya, Ermənistan, Belarus, Qazaxıstan və Qırğızıstan) vətəndaşlarının rifahının artırılmasına və həyat keyfiyyətinin yaxşılaşdırılmasına töhfə verir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.