BAKI, 24 dekabr — Sputnik. Ali Məhkəmənin siyasətçinin 2024-cü ildəki prezidentliyə namizədi müəyyən etmək üçün yerli səsvermədə iştirakını əngəlləmək qərarından sonra keçmiş Prezident Donald Trampın qərargahı və Kolorado respublikaçıları əməkdaşlığı gücləndiriblər.
Bu barədə “Politico” qəzeti yazıb.
“Trampın məsləhətçiləri və Kolorado respublikaçıları şok qərardan sonra daha da yaxınlaşıblar. Ştatdakı respublikaçılar ümid edirlər ki, keçmiş prezident dəstək nümayişi ilə təkan verə bilər”, - deyə nəşr qeyd edib.
Trampın müttəfiqləri hazırda məhkəmənin qərarından apellyasiya şikayəti vermək barədə düşünürlər. Bundan əlavə, yerli Respublika Partiyasının nümayəndələri eks-prezidentdən dəstək səviyyəsini gücləndirmək üçün ondan ştatda çıxış etməyi xahiş edirlər.
Qəzet qeyd edib ki, Kolorado məhkəməsinin qərarı siyasətçinin köməkçiləri və müttəfiqləri üçün təkcə hüquqi problem deyil, həm də onları əhəmiyyətli dərəcədə yaxınlaşdırdığı üçün “əsas siyasi hədiyyə” olub. Bundanəlavə, ABŞ-da bu qərarın sonda ləğv ediləcəyi və ya dayandırılacağına dair geniş yayılmış inam var.
Daha əvvəl bildirilmişdi ki, ABŞ-ın daha 16 ştatı Koloradodakı analoji qərardan sonra Trampın 2024-cü ildə keçiriləcək seçkilərdə iştirakına icazə verilməməsi tələbi ilə məhkəməyə müraciət edib. İddiaçılar iddia edirlər ki, siyasətçinin 2021-ci ilyanvarın 6-da baş verən hadisələrdə iştirakından sonra seçkilərdə iştirak etmək hüququ yoxdur.