Sputnik Azərbaycan-ın müxbiri "Sədərək" ticarət mərkəzindəki Yolka bazarı ilə tanış olub.
Burada alıcılar bayram üçün lazım olan hər şeyi tapa bilərlər. Bazar müxtəlif Yeni il hədiyyələrinin çeşidləri ilə hər kəsi heyran edir. Oyuncaqların və dekorasiyaların qiymətləri də müəyyən təəssürat yaradır.
Yolka üçün oyuncaqların qiyməti 1 manat, yolkanın özünün isə qiyməti 1300 manat civarındadır. Ancaq buna baxmayaraq burada qiymətlər şəhər mərkəzindəki mağazalarından daha münasibdir.
Ticarət mərkəzində elə də çox adam yoxdur. Bakı sakinləri Yeni ilə intensiv hazırlıqlara bayram ərəfəsində başlayacaqlar. Bazar yanvarın ilk günlərində bağlanacaq.