BAKI, 21 dekabr — Sputnik. Kiyev rejimi döyüş meydanında öz məqsədlərinə nail ola bilməyib və Qərb kəşfiyyat xidmətlərinin dəstəyi ilə terror aktlarını davam etdirir.
Bunu Rusiya Silahlı Qüvvələrinin Baş Qərargah rəisi - Müdafiə nazirinin birinci müavini, ordu generalı Valeri Gerasimov Xarici hərbi attaşelər üçün brifinqdə deyib.
"Ukrayna Silahlı Qüvvələri döyüş meydanında öz məqsədlərinə nail ola bilməyib. Bunu anlayan Kiyev rejimi gizli razılıq və çox vaxt Qərb kəşfiyyat xidmətlərinin dəstəyi ilə həyata keçirilən terrorçu mübarizə üsullarından istifadə etməkdə davam edir" - Gerasimov bildirib.
Valeri Gerasimovun sözlərinə görə, PUA-lar Ukrayna qoşun birləşmələrinin bütün dərinliyi boyunca gecə-gündüz kəşfiyyat aparır.
"Müxtəlif sinif və təyinatlı pilotsuz uçuş aparatlarından istifadə döyüş əməliyyatlarının tərkib hissəsinə çevrilib. Pilotsuz uçuş aparatlarının köməyi ilə düşmən qüvvələrinin formalaşmasının bütün dərinliyində gecə-gündüz hava kəşfiyyatı aparılır, onların koordinatları müəyyən edilir. Hərbi infrastruktur obyektlərinin, bütün növ silah və hərbi texnikanın məhv edilməsi üzrə tapşırıqlar yerinə yetirilir" - o, deyib.
Onun sözlərinə görə, xüsusi əməliyyat zamanı dronlardan istifadə texnikası və üsulları daim təkmilləşdirilir.
PUA
© AP Photo / Efrem Lukatsky
Ukraynada nə baş verir?
Xatırladaq ki, Rusiya 2022-ci il fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi xarakterizə edib.
Deyib ki, bunun üçün "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.
Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.