BAKI, 19 dekabr — Sputnik. Rusiya hökumətinin Gömrük, Tarif və Tarifdənkənar Tənzimləmə, Xarici Ticarətdə Mühafizə Tədbirləri üzrə Alt Komitəsi 2024-cü ilin birinci yarısında Rusiyaya 130 min ton pomidor idxalına tarif güzəştinin tətbiqini təsdiqləyib.
Bunu jurnalistlərə Rusiyanın Baş nazirinin birinci müavini Andrey Belousov deyib.
"Tədbir daxili bazarda bu məhsulların çatışmazlığı riskini aradan qaldırmaq məqsədi daşıyır", - deyə o bildirib.
Qeyd edək ki, Rusiya İqtisadi İnkişaf Nazirliyinin mətbuat xidmətindən bildirilib ki, söhbət bu kvota çərçivəsində pomidorun idxalına rüsumların sıfırlanmasından gedir.
Ölkənin kənd təsərrüfatı nazirinin müavini Andrey Razinin əvvəllər verdiyi məlumata görə, keçən il Rusiya Federasiyasında istixana tərəvəzlərinin istehsalı 8% artaraq 1,6 milyon tonu ötüb. 2030-cu ilə qədər açıq üsulla yetişdirilən tərəvəzlərin istehsalını ən azı 10%, istixana tərəvəzlərinin istehsalını isə təxminən 15% artırmağı planlaşdırırıq.
"Hazırda ümumi sahəsi 400 hektardan çox olan 45 istixana kompleksi tikilir. Bu 400 hektar bizə hasilatın həcmini daha 190 min ton artırmağa hesablanmağa imkan verəcək", - deyə o bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.