BAKI, 19 dekabr — Sputnik. Ermənistanın baş naziri Nikol Paşinyanın Azərbaycanla sülh prosesi qəsdən ləngidilir bəyanatı bu prosesin İrəvanın siyasi manipulyasiyası üçün növbəti alətə çevrildiyini göstərir. Bunu politoloq İlqar Vəlizadə deyib.
"Maraqlıdır ki, Ermənistanın baş naziri bunu bu ilin sonuna qədər sülh müqaviləsinin imzalanmasının mümkünlüyü ilə bağlı kifayət qədər nikbin bəyanatından bir müddət sonra bəyan edib. Paşinyan son vaxtlar regionda və region ölkələrində baş verən hadisələr sülh prosesinin qəsdən ləngiməsinin baş verdiyini göstərmədiyini bildirir. Eyni zamanda, Paşinyan Azərbaycanla sülh sazişinin bağlanmasına təsir edən proseslərin nə olduğunu açıqlamayıb", - İlqar Vəlizadə qeyd edib.
“Ola bilsin ki, Paşinyan düşünürdü ki, Azərbaycanda növbədənkənar prezident seçkilərinin elan edilməsi danışıqların ləngiməsinə kömək edəcək, yaxud da Rusiya Xarici İşlər Nazirliyinin sözçüsü Mariya Zaxarovanın timsalında Moskvanın noyabrın 10-da üçtərəfli bəyanatın şərtlərini yerinə yetirmək ilə bağlı çağırışlarında təhlükə görür”, - politoloq bildirib.
Politoloq deyir ki, birinci dəfə deyil ki, Ermənistan rəhbərliyinin ilin sonuna qədər sülh müqaviləsinin imzalanmasının mümkünlüyü ilə bağlı cəsarətli bəyanatları eşidilir və sonra nə baş verdiyini görürük, hər şeydə xarici qüvvələr günahlandırılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.