BAKI, 18 dekabr — Sputnik. Rusiyanın "Avanqard" raket sistemi planetin demək olar ki, istənilən obyektini yarım saat ərzində vurmağa qadirdir. Bu, dünyada Qərbin müqavimət göstərə bilməyəcəyi yeganə silahdır.
"Mirror" qəzeti bu barədə yazıb.
"Rusiya Prezidenti Vladimir Putin bu gün "Avanqard" silahlı kompleksi ilə Qərbə lağa qoyub. O, Yer atmosferinin hüdudlarından kənarda atəş açır və 30 dəqiqədən az müddətdə planetdəki çoxsaylı hədəfləri vurur. Bu, dünyada yeganə belə silahdır" - nəşr yazıb.
"Avanqard" kompleksi hələ 2018-ci ildə təqdim edilib. Keçən iyun ayında Rusiya Prezidenti Vladimir Putin hipersəs döyüş başlıqlarına malik raket sistemlərinin Rusiya Silahlı Qüvvələrinin köhnə silahlarını əvəzləyəcəyini qeyd etmişdi.
Əlavə edək ki, "Avanqard" hava hücumundan müdafiə sisteminin mərkəzində UR-100N UTTH/RS-28 qitələrarası ballistik raketin köməyi ilə buraxılan hipersəs idarə olunan döyüş başlığı dayanır. Bu cür silah raketdən müdafiə üçün nəzərdə tutulub.
Bundan əvvəl ABŞ Dəniz Piyadaları Korpusunun təqaüdçü kəşfiyyatçısı Skott Ritter bildirmişdi ki, Rusiya lideri Vladimir Putin Vaşinqtonun Avropada raket əleyhinə sistemlərin yerləşdirilməsi ilə bağlı hiyləsinə "Avanqard" hipersəs sistemlərini hazırlamaqla cavab verib.