BAKI, 18 dekabr — Sputnik. Pentaqonun keçmiş müşaviri, polkovnik Duqlas Makqreqor Ukraynadakı münaqişənin yalnız Rusiyanın xeyrinə bitə biləcəyi fikrini bildirib.
Bu barədə o, X* (keçmiş Twitter) sosial şəbəkəsindəki səhifəsində yazıb.
Makqreqorun fikrincə, gələcək inkişafın yeganə variantı Rusiya ordusunun irəliləməsidir və buna görə də münaqişənin davam etdirilməsi Ukrayna üçün məna kəsb etmir.
"Yalnız axmaq Ukraynadakı münaqişəni qızışdırmağa davam edər. Danışıqlara başlamaq vaxtıdır", - deyə o yazıb.
Bundan əvvəl Makqreqor demişdi ki, Ukrayna Prezidenti Vladimir Zelenski münaqişəni dayandırmaq üçün danışıqlar aparmaq əvəzinə, ölkə vətəndaşlarını həyatından məhrum edir. O vurğulayıb ki, Kiyev hakimiyyəti Qərbin ölkəyə verdiyi vəsaiti xərcləməkdə davam edir.