RUSİYA

Lavrov: Budanovun ABŞ ilə əlaqələri Ukraynanın suveren ölkə olmadığını sübut edir

Rusiya xarici işlər naziri bildirib ki, Ukrayna manipulyasiya edilir və istifadə olunur.
Sputnik
BAKI, 18 dekabr — Sputnik. Ukrayna Müdafiə Nazirliyinin Baş Kəşfiyyat İdarəsinin (GUR) rəhbəri Kirill Budanovun ABŞ-ın xüsusi əməliyyat qüvvələri ilə əlaqələri barədə etirafı Ukraynanın suveren ölkə olmadığını sübut edir.
Bunu Rusiyanın xarici işlər naziri Sergey Lavrov "Birinci Kanal"a müsahibəsində deyib.
"Budanov ABŞ-ın xüsusi əməliyyatlar qüvvələrinin rəhbərliyi ilə işlədiyini açıq şəkildə etiraf edib. Ukrayna Silahlı Qüvvələrin (USQ) nəzdində Mərkəzi Kəşfiyyat İdarəsi (MKİ) və MI-6 ilə sıx koordinasiya üçün xüsusi bölmələrin yaradıldığı barədə məlumatlar olub. Bütün bunlar, şübhəsiz ki, Ukraynanın manipulyasiya olunduğuna görə bu ölkənin suveren ölkə olmadığını göstərir" - diplomat bildirib.
Ukraynanın Baş Kəşfiyyat İdarəsinin rəisi Budanov hazırda Ukrayna ordusuna kimlərin çağırıldığı sualına yaxşı cavabının olmadığını söyləyib. Onun sözlərinə görə, qanunvericilik normalarına görə nə qədər insan zorla orduya cəlb edilsə də, onlar üçün motivasiya olmasa, onların səmərəliliyi demək olar ki, sıfıra bərabər olacaq.