BAKI, 15 dekabr — Sputnik. 2026-2027-ci tədris ilində 75 min tələbənin qəbulu nəzərdə tutulub. Sputnik Azərbaycan xəbər verir ki, bunu Ümummilli Lider Heydər Əliyevin 100 illik yubileyinə həsr olunmuş Azərbaycan Müəllimlərinin XVI Qurultayında elm və təhsil naziri Emin Əmrullayev deyib.
O bildirib ki, son 10 ildə ali təhsil müəssisələrinə tələbə qəbulu 40 faizdən çox artıb.
Qeyd edək ki, 2023/2024-cü tədris ili üçün Azərbaycan Respublikasının ali təhsil müəssisələrinə yerləşdirmənin nəticələrinə görə, 51941 nəfər (o cümlədən 6592 subbakalavr) ali təhsil müəssisələrinə qəbul olunub.
Nazir deyib ki, müasir peşə məktəblərinə qəbul olmaq istəyənlərin də sayı çoxdur:
"Cəlilabadda, Bərdədə peşə məktəbləri açılıb. Lənkəranda, Mingəçevirdə, Qaxda və Tovuzda yeni peşə məktəblərinin açılması istiqamətində işlər aparılır".